WAREMBO 15 KUWANIA TAJI MISS MBEYA VIJIJINI 2014, MEI 23

Miss Mbeya Vijijini 2010 Magreth Lucas, akiwa na mlezi wake kitaaluma Mama Neema Decoration, baada ya kupata mchumba sasa anashukuru kwa malezi yake.(PICHA NA MAKTABA YA KALULUNGA MEDIA)

WAREMBO 15 wanatarajia kuchuana vikali katika wilaya ya Mbeya Vijijini, katika ukumbi wa Royal Tughimbe uliopo eneo la Mbalizi wilaya hapa.

Mwandaaji wa shindano hilo, Sarah Kalinga(Mama Neema Decoration enterprses), alisema warembo tayari wameingia kambini na wapenzi wa mashindano hayo watarajie kuona utofauti na mashindano yaliyopita.

Alizitaja changamoto zinazomkabili mpaka sasa kuwa ni ucheleweshaji wa zawadi kwa baadhi ya wadhamini walizoahidi katika shindano hilo na kwamba ni mdhamini mmoja tu ambaye tayari mpaka jana alikuwa amewasilisha zawadi.

“Tunamshukuru mdhamini wetu Acces Computer kwa kuwa mdhamini wa kwanza kutuletea zawadi‘’alisema Sarah.

 

Aliyekuwa Miss Mbeya Vijijini mwaka 2010, Magreth Lucas, alipotafutwa na gazeti hili kwa njia ya simu kutoka mkoani Shinyanga anakoishi na mumewe, alisema kuna faida nyingi ya kushiriki katika mashindano hayo.

Alizitaja baadhi ya faida ambazo wanazipata warembo kuwa ni pamoja na washindi kusoma bure na kupata mafunzo ya kujitambua wawapo kambini ili wasirubuniwe kirahisi.