MAKAMANDA WA UVCCM MBEYA KUAPA JUMAPILI UWANJA WA RUANDA NZOVWE JIJINI MBEYA

 

Jumuiya ya Vijana wa Chama Cha Mapinduzi( UVCCM) Mkoa wa Mbeya, litafanya kikao chake cha Baraza la mkoa kesho, kwa mujibu wa kanuni za jumuiya hiyo.

Baada ya baraza hilo la mkoa, Jumuiya hiyo itafanya mkutano wa hadhara katika viwanja vya Ruanda Nzovwe Jijini Mbeya, Julai 6, mwaka huu na kuwaapisha makamanda wa wilaya zote tisa za mkoa huo, wakiongozwa na kamanda wa mkoa, Yona Sonelo.

 

Mwenyekiti wa Uvccm Mkoa wa Mbeya, Amani Kajuna, amejitokeza mbele ya waandishi wa habari, na kueleza kwamba, baraza hilo, litafanyika ofisi za CCM Mkoa wa Mbeya zilizopo sokomatola.

 

Amewaomba wananchi kujitokeza katika viwanja vya Ruanda Nzovwe, ili kuwasikiliza vijana hao na kushuhudia tukio la uapishwaji wa makamanda hao.